МАЛ, ТЭЖЭЭВЭР АМЬТДЫН ТООЛЛОГО ЭХЭЛЛЭЭ

2 долоо хоног

Аймгийн Засаг даргын 2024 оны 12 дүгээр сарын 02-ний өдрийн “Хүн ам, өрхийн мэдээллийн санг шинэчилж, мал тэжээвэр амьтад, хашаа худгийн тооллого явуулах тухай” А/583 дугаар захирамж гарган мал тооллогын аймгийн комиссыг аймгийн Засаг даргын тамгын газрын даргаар ахлуулан 9 хүний бүрэлдэхүүнтэйгээр, хяналтын тооллогыг 8 ажлын хэсэгт хуваан зохион байгуулж байна.

Мал, тэжээвэр амьтдын тооллогыг зохион байгуулахтай холбогдуулан 2024 оны 12 дугаар сарын 04-ний өдөр 14 сумын тооллогын комисс, төрийн сангийн мэргэжилтэн, нийгмийн ажилтан зэрэг нийт 81 хүнд заавар, аргачлалын сургалт зохион байгуулсан.

Сумдад мал, тэжээвэр амьтдын тооллогыг сумын Засаг даргын захирамжаар 2024 оны 12 дугаар сарын 07-17-ны өдрүүдэд сумын Засаг даргын орлогчоор ахлуулан зохион байгуулах гэж байна.