ТӨРИЙН АЛБАН ХЭРГИЙГ ХОС БИЧГЭЭР ХӨТӨЛНӨ

5 хоног

Монгол Улсын Их Хурал "Монгол хэлний тухай хууль"-ийг 2015 онд баталсны дагуу Засгийн газраас "Монгол бичгийн үндэсний хөтөлбөр"-ийг үе шаттай хэрэгжүүлж, зохих бэлтгэл ажлуудыг хэрэгжүүлээд байна.

"Монгол хэлний тухай хууль"-д зааснаар төрийн болон орон нутгийн өөрөө удирдах байгууллага 2025 оны нэгдүгээр сарын 1-нээс албан хэргээ кирилл, үндэсний хос бичгээр хөтлөн явуулах юм.

Төрийн албан хэргийг монгол бичиг болон кирилл бичгийг зэрэгцүүлэн ашиглах байдлаар хөтөлснөөр эх хэлний дархлааг хадгалах, үндэсний бичиг соёлыг дэмжих, түгээн дэлгэрүүлэх, Үндэсний бичиг соёлоо сэргээх, ирээдүй хойчдоо өвлүүлэн үлдээх, түүх, соёлын нэгдмэл байдлыг бататгахаас гадна монгол бичиг нь ЮНЕСКО-гоор дэлхийн соёлын өвд бүртгэгдсэн тул төрийн албанд ашиглах нь олон улсын хэмжээнд онцгой ач холбогдолтой юм.