Объектын болон ой хээрийн гал түймрээс урьдчилан сэргийлье

1 сар
Объектын болон ой хээрийн гал түймрээс урьдчилан сэргийлье
Хаврын хуурайшилтын улирал эхэлж, объектын гал түймрийн давтамж, тоо ихсэх төлөвтэй байна.
 
Бүсийн төв Дорнод аймгийн Онцгой байдлын газрын 101 утсанд өнгөрөгч долоо хоногт объектын гал түймрийн шинжтэй 7 дуудлага, мэдээлэл иржээ. Гамшгийн төрлөөр нь авч үзвэл:
Объектын гал түймрийн дуудлага – 2
Объектын гал түймрийн мэдээлэл-1
Объектын гал түймрийн зөрчлийн дуудлага – 3
 
Үүнд: 1. Объектын гал түймрийн дуудлага: Баян-Уул сумын Улз багт 5х6 хэмжээтэй 2 давхар дүнзэн байшин бүрэн шатаж байсныг бүрэн унтраасан. Уг гал түймэрт өртсөн хүн байхгүй.
2. Объектын гал түймрийн дуудлага: Хэрлэн сумын 1 дүгээр багт 16 тонн өвс бүрэн шатаж байсныг бүрэн унтраасан. Уг гал түймэрт өртсөн хүн байхгүй.
3. Объектын гал түймрийн дуудлагын мэдээлэл: Баянтүмэн сумын 2 дугаар баг “Зүүн гол” гэдэг газарт амбаар шатаж байсныг бүрэн унтраасан.
4. Объектын гал түймрийн зөрчлийн дуудлага: Хэрлэн сумын 1, 4, 10 дугаар багуудад пин шатаж байна, пийшингээс их хэмжээний утаа, байшингаас битүү утаа гарч байна гэсэн 3 удаагийн зөрчлийн дуудлагаар тус тус ажилласан байна.
 
Иймээс иргэн та түлсэн гал, асаасан чүдэнз, татсан тамхины гал, цог нурмыг бүрэн унтраах,
-Түймрийн хуурайшилт ихтэй үед ой, хээрт ил задгай гал түлэхгүй байх,
-Машин, техникийн утааны янданг оч баригчтай болгох,
-Гэр, байшин, малын хашаа, саравч, өвс тэжээл, худгийн эргэн тойронд нь 100-аас доошгүй зайд 10 метрийн өргөнтэй зурвас татах,
-Түймрийн аюултай үед айл өрх бүр халуун үнс, нурмыг тусгайлан бэлдсэн таглаа бүхий нүх, саванд хийж байх,
-Бага насны хүүхдэд хуурайшилт ихтэй үед ил гал, чүдэнз, асаагуур зэргийг хэрэглэж болохгүй талаар заавар зөвөлгөө өгөх,
-Иргэн, айл өрх бүр гал түймэр унтраах багаж хэрэгсэлтэй байж үүсэж болзошгүй гал түймрийн аюулаас урьдчилан сэргийлэхийг Бүсийн төв Дорнод аймгийн Онцгой байдлын газраас ОНЦГОЙЛОН анхааруулж байна.

Нээлттэй ажлын байр
Хөдөлмөр, халамжийн үйлчилгээний газар