М.Бадамсүрэн: Шинэ бизнесүүдийг бодлогоор дэмжиж ажиллана

1 сар
М.Бадамсүрэн: Шинэ бизнесүүдийг бодлогоор дэмжиж ажиллана

2021 ОНЫ ШИЛДЭГ “СТАРТ-АП”-ААР  “ХЭРЛЭН ГОЛЫН АЛИМ”  ТӨСӨЛ ШАЛГАРЧ БУЦАЛТГҮЙ 10.0 САЯ ТӨГРӨГИЙН ДЭМЖЛЭГИЙГ АВЛАА

“Залуучуудын хөдөлмөр эрхлэлтийг дэмжих хөтөлбөр”-ийн хүрээнд  Дорнод аймагт залуучуудын гарааны бизнесийг дэмжих “СТАРТ-АП” арга хэмжээ 5 дахь жилдээ хэрэгжиж байна.

Өнөөдөр /2021.11.30/ Хөдөлмөр эрхлэлтийн аймгийн зөвлөлийн дарга, аймгийн Засаг дарга М.Бадамсүрэн шилдэг “СТАРТ-АП” болсон “Хэрлэн голын алим” төслийг санаачилсан багт эргэн төлөх нөхцөлгүй 10,0 сая төгрөгийн санхүүгийн дэмжлэг олгох батламжийг гардуулан өглөө.

Энэ жилийн арга хэмжээнд 23 бүлгийн 48 залуус өөрсдийн санаачилсан бизнесийн төслөөрөө оролцсоноос 4 баг шалгарч 45 хоногийн  хурдасгуур сургалтад хамрагдан, үүнээс шинэлэг санаагаараа “Хэрлэн голын алим” баг нутагшсан соортын алим, чавганы мод тариалах төслөөрөө шилдгээр тодорсон байна.

ХӨДӨЛМӨР ЭРХЛЭЛТИЙН АЙМГИЙН ЗӨВЛӨЛИЙН ДАРГА, АЙМГИЙН ЗАСАГ ДАРГА М.БАДАМСҮРЭН шалгарсан төслүүд болох “Хэрлэн голын алим” “Гэр бүлийн амралт” “No stress” “Өд” төслүүдийг санаачлагч нартай уулзан, тэдний санал бодол, тулгамдаж буй асуудлуудыг сонсон, дэд бүтэц, бусад тулгамдаж буй асуудлуудыг шийдвэрлэхэд туслалцаа үзүүлэхээ илэрхийлэв.

Шалгарсан “Хэрлэн голын алим”, “Өд” төслүүд Улсын хэмжээний “Старт-ап” шалгаруулах 20.0 сая, 17.0 сая, 13.0 сая төгрөгийн эргэн төлөх нөхцөлгүй санхүүгийн дэмжлэгийг авах арга хэмжээнд оролцох эрхтэй боллоо.

Дород аймагт залуучуудын гарааны бизнесийг дэмжих ажил сүүлийн таван жил амжилттай үргэлжилж байгаа бөгөөд 2017 онд нэг, 2018 онд дөрөв, 2019 онд 18 бүлэг, 2020 онд 11 баг тус бүр 10 сая төгрөг буюу нийт 440 сая төгрөгийн санхүүжилт олгож, залуучуудын санаачилсан 44 төрлийн бизнест хүүгүйгээр эргэн төлөгдөх санхүүгийн дэмжлэгийг үзүүлсэн бол энэ жилийн санхүүгийн дэмжлэг эргэн төлөх нөхцөлгүйгээр олгогдож байна.

Мөн Орон нутгийн хөгжлийн сангийн 120 сая төгрөгийн санхүүжилтээр байгуулсан “Старт-ап” төвөөр дамжуулан гарааны бизнесийг дэмжих, гарааны бизнес эрхлэхэд чиглэсэн сургалт, зөвлөгөө, мэдээллийн үйлчилгээ үзүүлэх зэрэг бизнес эрхлэх мэдлэг чадвартай болгох сургалтыг явуулан чадавхжуулж байгаа юм.

May be an image of 4 people and people standing

May be an image of 4 people, people standing and indoor

Нээлттэй ажлын байр
Хөдөлмөр, халамжийн үйлчилгээний газар