"Халхын голын ахан дүүс" үзэсгэлэн Чита хотноо нээлтээ хийлээ

11 сар
"Халхын голын ахан дүүс" үзэсгэлэн Чита хотноо нээлтээ хийлээ

Халхын голын дайны ялалтын 80 жилийн ойн хүрээнд Дорнод аймгийн Халхгол сумын Ялалт музейн захирал Л.Мягмарсүрэнгийн санаачилгаар "Халхын голын ахан дүүс" хамтарсан үзэсгэлэн Оросын Холбооны Улсын Өвөрбайгалийн хязгаарын Чита хотноо 2019 оны 8 дугаар сарын 06-ны өдөр “А.К.Кузнецовын нэрэмжит Өвөрбайгалийн хязгаарын хязгаар судлалын
музей”-д нээлтээ хийлээ.
Уг үзэсгэлэнгийн онцлог нь анх удаа хоёр улсын хамтарсан үзэсгэлэн тэр дундаа дайны сэдэвтэйгээр олон нийтэд хүрч байгаагаараа онцлог бөгөөд 60 хоногийн турш Чита хотноо үргэлжлэх юм.
Нээлтийн үйл ажиллагаанд Дорнод аймгийн Засаг даргын орлогч Ш.Ёл, Халхгол сумын Ялалт музейн захирал Л.Мягмарсүрэн, Оросын Холбооны Улсын Өвөрбайгалийн Хязгаарын Соёлын яамны орлогч сайд А.В.Бочкарников, А.К.Кузнецовын нэрэмжит музейн захирал В.К.Колосов болон холбогдох албаны төлөөлөл, Чита хотын иргэд оролцлоо.
Мөн Оросын Холбооны Улсын Өвөрбайгалийн Хязгаарын Хөрөнгө оруулалт, хөгжлийн яамны орлогч сайд Баранов Дмитрий Валентинович болон холбогдох албаны хүмүүстэй Халхын голын дайны ялалтын 80 жилийн ойг Дорнод аймагт хамтран зохион байгуулах талаар ажил хэргийн санал солилцлоо.

Нээлттэй ажлын байр
Хөдөлмөр, халамжийн үйлчилгээний газар