Аймгийн Засаг даргын дэмжлэгтэйгээр сум, орон нутгийн хэмжээнд дутагдалтай байгаа төрийн байгууллагын ажлын байрны сул орон тоог нөхөж, төрийн байгууллагын хэвийн үйл ажиллагааг шуурхай хангах, төрийн албаны ерөнхий шалгалтад орохоор бүртгүүлсэн иргэдэд дэмжлэг үзүүлэх зорилгоор үнэ төлбөргүй сургалтыг 2022 оны 10 дугаар сарын 05-07-ны өдрүүдэд МУИС-ийн Дорнод аймаг дахь сургуульд зохион байгуулж байна. Сургалтыг 2020 оноос эхлэн 4 удаа зохион байгуулж, сургалтад хамрагдсан иргэдийн 70 хувь нь тэнцсэн бол 40 гаруй хувь нь тусгай шалгалт өгч төрийн албанд ажиллаж байна. Энэ удаагийн төрийн албан хаагчийн шалгалтад 115 иргэн шалгуулахаар бүртгүүлээд байна.