Аймгийн орон нутгийн төсвийн хөрөнгө оруулалтаар багшийн чадамжид суурилсан хувь хүний хөгжил, ёс зүй, нийгмийн манлайлал, техник технологийн ур чадварыг дээшлүүлэх зорилгоор “Ментор багш” төслийг хэрэгжүүлж байна. Ментор багш төсөл нь багшлах, бусад багш, тэр дундаа шинэ, залуу багш нарыг дадлагажуулах, заан сургах буюу коучинг хийх, зөвлөн чиглүүлэх, зөвлөн туслах ба шинэ залуу туршлагатай багш ажилдаа дадлагажин дасан зохицох, тэдэнд багшлахуйгаас гадна эерэг харилцаа, хандлага төлөвшүүлж, урам өгч, дэмжлэг үзүүлэн хамтран ажиллах юм. Төслийн хүрээнд: Цэцэрлэг, сургууль, насан туршийн боловсролын ментор багшийг бэлтгэж, чадавхийг бэхжүүлэх. Ментор багшийн гадаад хэл, дижитал технологийн боловсролыг дээшлүүлэх. Ментор багшийн солилцоог цэцэрлэг, сургууль, дүүрэг, орон нутаг болон улсын түвшинд хэрэгжүүлэх. Менторшип үйл ажиллагааны чиглэлээр гадаад, дотоодод туршлага судлах, хамтран ажиллах. Ментор багш цэцэрлэг, сургууль, дүүрэг, орон нутаг, улсын хэмжээнд багшийн хөгжилд дэмжлэг үзүүлэх, дадлагажуулан сургах, ганцаарчлан болон бүлгийн зөвлөгөө сургалт зохион байгуулах. Ментор багш нарын бие даасан байгууллага байгуулж, нийгэмд багш мэргэжлийн нэр хүндийг өргөх, хамтын хөгжил-манлайллыг хөгжүүлэх, түншлэл бий болгох зэрэг арга хэмжээг хэрэгжүүлж байна. ТӨСЛИЙН ҮР ДҮНД: Карьер, манлайлах ур чадвараа нэмэгдүүлэх хүсэлтэй 100 ментор багшийг бэлтгэж, суралцахуйн, бүтээхүйн, хамтрахуйн хандлагыг бусад багш нартаа түгээн дэлгэрүүлэх нөхцөл бүрдэж, менторшип үйл ажиллагааг тасралтгүй хөгжүүлэх суурь тавигдах юм.