“Хүнсний ногоо” дэд хөтөлбөрийн хэрэгжилтийг хангах, Аймгийн Засаг дарга, Монголын хөдөөг шинэчлэхийн төлөөх фермерүүдийн холбоотой байгуулсан гэрээнд заасны дагуу тэргүүн туршлага судлах тойрон аялал зохион байгуулах зорилгоор Цагаан-Овоо, Баян-Уул, Дашбалбар, Чулуунхороот, Чойбалсан сумдад 2019 оны 08 дугаар сарын 14-17-ны өдрүүдэд зохион байгуулан ажиллаж байна.
“Хүнсний ногоо”, жимс, жимсгэнэ хөтөлбөрийн аймгийн үзүүлэх сургалтыг өнөөдөр буюу 2019 оны 08 дугаар сарын 14-ны өдөр Цагаан-Овоо сумаас эхэллээ.
Нээлтийн үйл ажиллагаанд аймгийн Засаг даргын орлогч Ч.Ганбат болон холбогдох байгууллагын дарга, мэргэжилтэнгүүд оролцлоо.
Цагаан-Овоо сумын Аймгийн тэргүүний тариаланч Ц.Лоор, Сумын тэргүүний тариаланч Р.Төмөрхуягын талбайтай танилцаж, туршлага судаллаа.
Энэхүү аймгийн үзүүлэх сургалтанд 6 сумын Хөдөө аж ахуйн тасгийн 6 мэргэжилтэн, 7 сумын хүнсний ногоо, жимс, жимсгэнэ тариалдаг 44 иргэн, аж ахуйн нэгж, нийт 50 хүний бүрэлдэхүүнтэй аялал Баян-Уул сумыг зорилоо.