"Аюулгүй гамшигт тэсвэртэй хот-2030” санаачилгыг үргэлжлүүлэх, үүрэг амлалтаа...

"Аюулгүй гамшигт тэсвэртэй хот-2030” санаачилгыг үргэлжлүүлэх, үүрэг амлалтаа бататгах цахим арга хэмжээ боллоо

2 жил

НҮБ-ын Гамшгийн эрсдэлийг бууруулах газрын Зүүн хойд Азийн бүсийн төв, Дэлхийн боловсрол, сургалтын институт, Шадар сайдын Ажлын алба, Онцгой байдлын ерөнхий газар болон Зүүн бүсийн төв-Онцгой байдлын газар хамтран цахим арга хэмжээг зохион байгууллаа.

“Аюулгүй гамшигт тэсвэртэй хотыг бий болгох нь” санаачилгын эхний үе шатанд хэрэгжүүлсэн ажлыг дүгнэж, цаашдын үйл ажиллагааг тодорхойлж Дорнод аймгийн Засаг даргын орлогч Ш.Ёлд “Аюулгүй, гамшигт тэсвэртэй хот 2030” санаачлагд нэгдсэнийг нотлох сертификатыг гардуулан өгсөн юм.

Мөн НҮБ-аас хэрэгжүүлж байгаа “Аюулгүй, гамшигт тэсвэртэй хот-2030” буюу “MCR2030” санаачилгын зорилго, чиглэл, цахим платформ /https://mcr2030dashboard.undrr.org/-тай танилцаж, 21 аймгийн Онцгой байдлын газрууд танилцуулга болон өөрсдийн ажлын томоохон үр дүнгүүдээ хуваалцлаа.

НҮБ-ын ГЭБГ-ын Зүүн хойд Азийн бүсийн төв, Дэлхийн боловсрол, сургалтын институтийн захирал Санжая Батия илтгэлдээ: Монгол улс бүх аймгуудаа хамруулж байгаад талархаж байгаагаа илэрхийлээд тус аймаг бүрд “Гамшгийн эрсдэлийг бууруулах” төсөл хөтөлбөрийн үйл ажиллагаанд хамруулан ажиллахаа мэдэгдлээ.