Өнөөдөр /2022.11.10/ Аймгийн ИТХ-ын дарга М.Энхтөр, Засаг дарга М.Бадамсүрэн нар БОЭТ-д Ангиографийн тусламж үйлчилгээг нэвтрүүлэхэд мэргэжил арга зүйн дэмжлэг үзүүлж ажиллаж байгаа Улсын 3 дугаар төв эмнэлэг, 1 дүгээр төв эмнэлгийн зөвлөх эмч–Судсан доторх оношилгоо, эмчилгээний төвийн эмч Р.Ганбаатар, Улсын 2 дугаар төв эмнэлгийн дарга, БОЭТ-тэй хамтын ажиллагааны гэрээтэй, сүлжээ эмнэлгийн дарга Б.Эрдэнэбулган, Улсын 3 дугаар төв эмнэлгийн Судсан доторх оношилгоо, эмчилгээний төвийн эмч Ц.Дамдинсүрэн нарыг хүлээн авч уулзлаа.

 

Аймгийн удирдлагууд Улсын 2 дугаар төв эмнэлгийн дарга Б.Эрдэнэбулганаар ахлуулсан багтай санал солилцож, цаашид илүү өргөн хүрээнд хамтран ажиллах, орон нутгийн эрүүл мэндийн салбарыг хөгжүүлэхэд зөвлөмж авч ажиллахаа илэрхийлэв.

 

Тус эмч нарын баг БОЭТ-д 11 дүгээр сарын 11-нээс 12-ны өдрүүдэд Ангиографийн буюу Судсан дотуурх оношилгоо, эмчилгээг иргэдэд үзүүлнэ.