Халхын голын дайны ялалтын 80 жилийн ойг тохиолдуулан 1939 оны Халхын голын дайн, 1945 оны чөлөөлөх дайн, дайны дараах хор уршгийг арилгахад 10 гаруй жил дивиз хорооны эмнэлэгт эмч, сувилагчаар ажиллаж байсан, мөн түүнчилэн аймгийн төв больницдоо цэргийн 7-р тасгийг тусгайлан нээж шархадсан цэрэг дайчдыг эмчлэх, сувилах, асрах зэргээр мэргэжлийн тусламж үйлчилгээг чадварлагаар үзүүлж байсан ахмад үеийн эмч, сувилагчдын гавьяат үйлсийг төр засгаас өндрөөр үнэлж, тэднийхээ дайчин уламжлалыг өндөрт өргөн яваа Дорнод аймаг дахь Бүсийн оношилгоо эмчилгээний төвийн хамт олныг Монгол улсын ерөнхийлөгчийн зарлигаар “Цэргийн гавьяаны одон”-оор шагналаа.