Улсын Их Хурлаас баталсан “Алсын хараа 2050”, Засгийн газрын 2020-2024 оны мөрийн хөтөлбөр, “Шинэ сэргэлтийн бодлого”-ын Хот, хөдөөгийн сэргэлтийн хүрээнд бүсчилсэн хөгжлийн бодлогыг дэмжих, төвлөрлийг сааруулах, орон нутгийн хөгжлийг дэмжих зорилгоор зохион байгуулж буй “Шилжилт хөдөлгөөний талаарх ойлголт мэдээлэл өгөх” сургалтыг Монгол Улсын Засгийн газар, Олон Улсын шилжилт хөдөлгөөний байгууллага, аймгийн Засаг даргын тамгын газар хамтран шат дараатай зохион байгуулж буй.

 

Өнгөрсөн долоо хоног буюу 3 дугаар сарын 23-нд аймгийн Засаг даргын тамгын газрын бодлогын мэргэжилтнүүд, агентлаг, газар, хэлтсийн дарга нар, Төрийн албаны зөвлөлийн Дорнод аймаг дахь салбар зөвлөл, МУИС-ийн Дорнод аймаг дахь сургууль, Политехникийн коллеж, Мэргэжлийн сургалт үйлдвэрлэлийн төвийн удирдлагууд оролцсон юм.

 

Өнөөдөр /2023.03.29/ аймгийн 14 сумын багийн засаг дарга, нийгмийн ажилтанууд, улсын бүртгэлийн мэргэжилтэн нарт “Нээлттэй Дорнод аймаг” хөтөлбөрийн танилцуулга, “Шилжин суурьшигчдад ээлтэй төрийн үйлчилгээний хэрэгцээ, ач холбогдол”, “Шилжих хөдөлгөөнд оролцохоор төлөвлөж буй иргэдэд чиглэсэн мэдээлэл, зөвлөгөө” сэдвээр сургалт явагдаж байна.

 

Иргэдэд үйлчилгээ үзүүлэх төрийн албан хаагчид нэгдсэн нэг мэдээллээр хангах зорилгоор Хот, хөдөөгийн сэргэлтийн чиглэлээр 2 дахь удаагийн сургалт, хэлэлцүүлгийг зохион байгуулж байна.