Зуны тэргүүн сарын шинийн гуравны билэгт сайн өдөр буюу энэ сарын 22-нд Хан уулаа...

Зуны тэргүүн сарын шинийн гуравны билэгт сайн өдөр буюу энэ сарын 22-нд Хан уулаа тахина

1 жил

Дорнод нутгийн зон олон Билгийн тооллын XVII жарны "Үзэсгэлэн болгогч" хэмээх усан Туулай жилийн зуны тэргүүн улаагчин могой сарын шинийн гуравны Балжиннямтай цагаан луу билэгт сайн өдөр буюу 2023 оны 05 дугаар сарын 22-нд нутгийн шүтээн хайрхан Хан уулаа тахина.

Тахилга өглөө 07 цагт эхэлж, аймгийн бурхан шашинтны төв Данригданжаалин хийдийн лам хуврагууд ном хуран, хүчит 32 бөхийн барилдаан, хүүхдийн бөхийн барилдаан, Их насны морины уралдаан, болон урлаг, соёлын арга хэмжээг зохион байгуулна.

Хөтөлбөр:

07:00-08:00 Ном хурна

Хан уулын баруун хормойд:

09:30-11:00 Их насны морины уралдаан /Сэрвээний өндөр 141,0 см, уралдааны зай 17,0 км/

10:00-12:00 Хүчит бөхийн барилдаан /1,2-ын даваа/

10:00-12:00 Хүүхдийн бөхийн барилдаан

10:00-11:00 Аймгийн Хөгжимт драмын театрын уран бүтээлчдийн тоглолт

12:00-14:00 Хүчит бөхийн барилдаан /3,4,5-ын даваа/

15:00 цагт Шагнал гардуулах арга хэмжээ /Хурдан морь, хүчит бөхийн шагнал/ тус тус болно.