Санхүүгийн хяналт шалгалтаар 2022 оны эхний хагас жилийн байдлаар  17,151.4 сая төгрөгийн (17 тэрбум 151 сая 400) зөрчлийг илрүүлж, 1,842.2 сая төгрөгийн (1 тэрбум 842 сая 200 зуу) зөрчилд акт, албан шаардлага хүргүүлж, 15,309.2 сая төгрөгийн (15 тэрбум 309 сая 200) зөрчлийг арилгуулж ажилласан байна. Үүнээс 115.3 сая төгрөгийн зөрчилд Улсын ахлах байцаагчийн акт тогтоож, 1,726.8 сая төгрөгийн зөрчилд улсын ахлах байцаагчийн албан шаардлага үйлдэн, хэрэгжилтийг хангуулсанаар актын биелэлт 81.7 хувьтай, албан шаардлагын биелэлт 64.4 хувьтай, түүнчлэн  нийт 163 илэрсэн асуудалд 199 зөвлөмжийг өгч хэрэгжилт 80.4 хувьтай байна.

Эхний хагас жилд илрүүлсэн зөрчил нь өмнөх оны мөн үетэй харьцуулахад 14,269.2 сая төгрөгөөр буюу 595.1 хувиар өссөн үзүүлэлттэй байна.  Шалтгаан нь Хөрөнгө оруулалтын төлөвлөлт, худалдан авах ажиллагааны аудит, Орон нутгийн өмчит аж ахуйн тооцоот үйлдвэрийн газруудын сүүлийн 3 жилийн үйл ажиллагаанд хийсэн хяналт шалгалтын дүнгээс шалтгаалан зөрчлийн дүн өмнөх оныхоос эрс өссөн байна.

Хяналт шалгалтаар илэрсэн төрд болон бусдад учруулсан хохирлыг гэм буруутай этгээдээр нөхөн төлүүлж, засан залруулж ажилласнаар Орон нутгийн төсөвт 23.5 сая төгрөгийг төвлөрүүлж, данс бүртгэлд 75.0 сая төгрөгийг тусгуулж  ажиллалаа.