Төрийн хэмнэлтийн тухай хуулийн хэрэгжилтийн хүрээнд ТЕЗ дараахи ажлуудыг зохион байгуулсан. Үүнд:

1.Аймгийн төсвийн Ерөнхийлөн захирагчийн эрхлэх асуудлын хүрээнд хамаарах аймгийн Засаг даргын 1 орлогч, 1 зөвлөх, аймгийн төв Хэрлэн сумын, Иргэдийн төлөөлөгчдийн хурлын даргын 1 зөвлөх, Дорнод  нийтийн аж ахуй ОНӨААТҮГ-ын 1 дэд дарга, Дашбалбар сумын Иргэдийн төлөөлөгчийн хурлын даргын 1 зөвлөх нийт 5 албан тушаалтныг ажлаас чөлөөлсөн.

2.Төсөвт байгууллагуудын автомашиныг татан төвлөрүүлэх бэлтгэл ажлын хүрээнд орон нутгийн өмчид бүртгэлтэй тээврийн хэрэгслүүдийн судалгааг дэлгэрэнгүй байдлаар хийж, Орон нутгийн өмчийн газар, Санхүүгийн хяналт, дотоод аудитын алба, Авто тээврийн үндэсний төвийн Дорнод аймаг дахь газрын хамтарсан бүрэлдэхүүн тээврийн хэрэгслүүдийн ашиглалт, бүрэн бүтэн байдалд үзлэг шалгалт хийн дүгнэлт гаргаж нийт 51 тээврийн хэрэгслийг татан төвлөрүүлсэн.

3.Орон нутгийн төсвөөс 2022 онд захиргааны зориулалтаар барих шинэ барилгын ажлыг төлөвлөөгүй.

4.Орон нутгийн хамгаалалтын тухай хууль болон Дайчилгааны тухай хуульд заасны дагуу цэргийн бэлтгэл сургуулилтад оролцох үүрэг бүхий аймаг, сумдын Засаг даргын тамгын газрын дарга нараас бусад албан хаагчдад төсвийн мөнгөөр дүрэмт хувцас худалдан аваагүй бөгөөд Сангийн яамнаас ирүүлсэн удирдамжийн дагуу орон нутгийн төсөвт байгууллагуудын 2022 оны төсөвт нормын хувцасны зардлыг хасаж батлуулсан.

5.Улсын төсөвт хийсэн тодотголын дагуу аймгийн төсөвт тодотгол хийхдээ Төрийн хэмнэлтийн тухай хуульд нийцүүлэн хөшөө, дурсгал сэргээн засварлах, автомашин худалдан авах, захиргааны зориулалттай барилга байгууламж барих зэрэгт төлөвлөсөн нийт 1.3 тэрбум төгрөгийн 11 төсөл арга хэмжээний хөрөнгө оруулалтын зардлыг хасаж батлууллаа.