Өнөөдөр /2023.06.20/ Онцгой байдлын албаны 19 жилийн ойн өдрийг тохиолдуулан Зүүн бүсийн төв Дорнод аймгийн Онцгой байдлын газраас иргэдэд албаа сурталчлах өдөрлөгийг Тусгаар тогтнолын талбайд зохион байгууллаа.

 

Онцгой байдлын албыг олон нийтэд сурталчлах өдөрт аймгийн Засаг дарга М.Бадамсүрэн болон төрийн тусгай чиг үүргийн байгууллагуудын удирдлагууд оролцсон юм.

 

Одоогоос 19 жилийн өмнө буюу 2003 оны 06 дугаар сарын 20-ний энэ өдөр Монгол Улсын Их хурлаас Гамшгаас хамгаалах тухай хуулийг батлан гаргаснаар орчин цагийн Онцгой байдлын алба байгуулагдах үндэс суурь тавигдаж Гамшгаас хамгаалах ерөнхий газрыг байгуулсан. Энэ дагуу 2004 оны Засгийн газрын хуралдааны нэгдүгээр тогтоолоор тус газрыг байгуулж, 2005 онд Гамшгаас хамгаалах тухай хуульд нэмэлт өөрчлөлт орсноор Онцгой байдлын ерөнхий газар болж өөрчилсөн билээ.