Дорнод аймгийн Засаг дарга М.Бадамсүрэн, БНХАУ-ын ӨМӨЗО-ны Хянган аймгийн Намын дарга Жан Шяобин нар 7,8,9-р сарыг “Алтан улирал” болгож энэ саруудад хамтын үйл ажиллагааг зохион байгуулахаар тохиролцсоны дагуу энэ сарын 04-06 ны өдрүүдэд Монгол улсын Дорнод аймаг, БНХАУ-ын ӨМӨЗО-ны Хянган аймаг хоорондын гадаад хамтын ажиллагааны хүрээнд 2 аймгийн соёл урлагийн салбарын байгууллагууд хамтарсан тоглолт, уран зураг, уран бичлэгийн үзэсгэлэн гаргаж буй.

 

Энэ хүрээнд /2023.09.05/ өдөр Хянган аймгийн зочид төлөөлөгчид Политехник коллеж болон Мэргэжил сургалт үйлдвэрлэлийн төвийн үйл ажиллагаатай танилцан оюутнуудтай уулзав. Мөн оюутан сурагчдад цай найруулах арга туршлага болон цэцэг арчлах, боох зэрэг аргуудыг сонирхуулсан юм.

 

Хоёр аймгийн хамтын ажиллагааны хүрээнд 2023 оны тавдугаар сард Мэргэжил сургалт үйлдвэрлэлийн төв, Политехник коллежийн удирдлагууд Хянган аймгийн ажил үйлдвэрийн сургуулийн үйл ажиллагаатай танилцаж цаашид найрамдлын харилцаагаа бэхжүүлэн улам өргөжүүлэн ажиллахаа илэрхийлэн хамтарч ажиллаж байна.