Өнөөдөр /2023.09.27/ аймгийн Засаг дарга М.Бадамсүрэн шилдгээр шалгарсан 5-р сургуулийн багш Ч.Ууганцэцэг, 8 дугаар сургуулийн багш Б.Батдулам, Шинэ хөгжил сургуулийн багш Э.Нарантунгалаг багшид орон сууц худалдан авахад зориулж тус бүр 20 сая төгрөгийн шагналыг гардуулан өгөв.

 

Мөн амжилттай оролцсон шилдэг таван багшид тус бүр 500,000 төгрөгийг гардууллаа.

Аймгийн Засаг даргын санаачилгаар багш нарын хөдөлмөрийн үнэлэмж, мэргэжлийн нэр хүндийг дээшлүүлэх, нийгмийн хамгааллыг дэмжих, боловсролын олон талт үйл ажиллагаанд бага ангийн багш нарыг хамруулах, багшлахуйн ур чадвар, санал, санаачилгыг дэмжин урамшуулах, хүүхэд бүрийн хөгжлийг дэмжих шилдэг арга зүй, тэргүүн туршлагыг түгээн дэлгэрүүлэх зорилгоор "Дорнодын багш" болзолт уралдааныг 2 дахь жилдээ уламжлал болгон зохион байгуулж байна.