“Төрийн албан хаагчийн сургалт, хөгжил, нийгмийн баталгааг дэмжих” хөтөлбөрийн хүрээнд орон нутагт шаардлагатай мэргэжлээр их дээд, сургуульд суралцах оюутнуудад сургалтын төлбөрт дэмжлэг үзүүлдэг.  

Энэ хүрээнд 2019 эхлэн 14 сумын хөгжлийн бодлого төлөвлөгөөтэй уялдуулан, сумын боловсон хүчний нөөцийг бүрдүүлэх зорилгоор нэн шаардлагатай мэргэжлээр дотоод болон гадаадын их дээд сургуульд суралцаж буй оюутнуудтай орон нутагтаа ирж ажиллах гэрээ байгуулан төлбөрийг 100 хувь дааж байгаа юм. Ингэснээр аймаг орон нутагт дутагдалтай байгаа боловсон хүчин бий болж, залуу гэр бүлүүд нутагтаа сайхан амьдрах боломж бүрдэж байна. 2019 оноос эхлэн 126 хүүхэд хамрагдсанаас 35 оюутан төгсөж, сум орон нутагтаа тогтвортой ажиллаж байна.

2022 онд нийт 30 оюутан суралцаж, үүнээс  11 оюутан Бага ангийн багш, агрономи, сувилагч, малын эмч, дуу хөгжмийн багш зэрэг мэргэжлээр төгссөн Чойбалсан, Хэрлэн, Гурванзагал, Матад сумдад ажиллаж байна.

 Энэ онд тэтгэлэгт авч буй 23 оюутан:

Хүний их эмч-4

Сувилагч-3

Нүүр ам судлал-1

Зүү төөнө заслын их эмч-1

Багш-2

Малын их эмч-1

Газар зохион байгуулалт-2

Авто замын инженерчлэл-1

Усан хангамж, ус цэвэрлэгээ-1

Геодезийн инженер-1

Сэтгэл судлаач-2

Соёлын өв, музей судлал-1 тус тус мэргэжлийн хүрээнд суралцана.