Агын гудамжны зам засварын ажил эхэллээ

1 жил

Чойбалсан хот доторх хавтан хучилттай авто замыг шинэчилж, шинээр тавих ажил хэрэгжиж байна. Тодруулбал Хэрлэн сум 9-р баг “Агын гудамж”-нд нийт 7м өргөн 389,8 метр урт бетонон хучилттай авто зам, замын 2 талаар 2м өргөн явган хүний зам тавих ажил 2023 оны 10 дугаар сарын 14-нөөс эхэлнэ.

Тус ажлын гүйцэтгэгчээр “Хүлгийн дээд” ХХК ажиллаж байгаа юм.

Авто замын ажилтай холбогдуулан 2023 оны 10 дугаар сарын 13-ны 12:00 цагаас 11 дүгээр сарын 30-ны өдрийн 20:00 цаг хүртэл хааж, тээврийн хэрэгслийн хөдөлгөөнийг түр хязгаарлаж байна.

Иймд иргэд, жолооч та бүхэн энэ хугацаанд дээрх чиглэлээс өөр зам сонгон хөдөлгөөнд оролцоно уу.