Дорнод аймгийн төрийн байгууллагын үйлчилгээг цахимжуулах ажил эхэлж байна -...

Дорнод аймгийн төрийн байгууллагын үйлчилгээг цахимжуулах ажил эхэлж байна

1 жил

Төрийн цахим үйлчилгээний зохицуулалтын газар “И-Монгол академи” УТҮГ-тай хамтран орон нутгийн төрийн байгууллагуудын төрийн үйлчилгээний нэгдсэн систем E-mongolia-д нэвтэрсэн үйлчилгээнд процессын шинжилгээ хийх, дахин загварчлах, шинээр цахимжуулах үйлчилгээний судалгааг гаргах ажлыг зохион байгуулж байна.

Өнөөдөр /2023.11.20/ Дорнод аймагт “И-Монгол академи” УТҮГ-ын хамтарсан баг ажиллаж байгаа юм. Энэ хүрээнд аймгийн хэмжээнд төрийн 25 байгууллагын 145 үйлчилгээг цахимаар хүргэх боломж бүрдэнэ.

Дээрх үйл ажиллагаа нь 5 хоногийн хугацаанд үргэлжлэх бөгөөд дараах ажлуудыг зохион байгуулна. Үүнд:

-Төрийн цахим үйлчилгээний нөхцөл байдлын шинжилгээ хийх, ашиглаж буй системүүдийн судалгааг авах

-Цахим үйлчилгээ, Сэтгэл ханамжийн судалгаа авах

-Ахмадуудад зориулсан сургалт зохион байгуулах

-Байгууллагуудын олон шатлалт үйлчилгээний сайжруулалт хийх

-Хуучин үйлчилгээний систем дэх өөрчлөлт хийх

-Шинээр нэвтрэх үйлчилгээ судлах бодлогын даалгавар боловсруулах

-Сумдын үйлчилгээний ажилтнуудад сургалт хийх

-ERP/DOCX сургалт зохион байгуулах

Иргэдэд зориулсан сургалтыг зохион байгуулах

-Судалгааны үр дүнг нэгтгэх

Төрийн үйлчилгээний хүсэлтийн бүртгэл хяналтын системийн шийдвэрлэх албан хаагчдын сургалтад хамруулах