Төрийн хэмнэлтийн тухай хуулийн хэрэгжилтийн хүрээнд ТЕЗ дараахи ажлуудыг зохион байгуулсан. Үүнд:

1.12.Орон нутгийн өмчит хуулийн этгээдийн албан хаагчдад олгох цалин хөлсний нийтлэг  жишгийг тогтоосон тогтоол АИТХ-аас гарсан. Үүнд: Орон нутгийн өмчит хуулийн этгээдийн албан хаагчдын цалинг үйл ажиллагааны чиглэл, ашигт ажиллагааны түвшинг харгалзан тогтоосон цалингийн хязгаарт багтаан олгохыг төсвийн захирагч нарт даалгасан.

 1.13.ОНХС-аар хийгдэх төсөл, хөтөлбөр, хөрөнгө оруулалтын арга хэмжээг журмын дагуу давхардсан тоогоор 25 мянган иргэнээс санал авч төлөвлөсөн.

 1.14. Аймгийн нутаг дэвсгэрт үйл ажиллагаа явуулж буй уул уурхайн ААНБ-тай “Орон нутгийн хамтын ажиллагааны гэрээ” байгуулж ажиллахаар харилцан тохиролцож газрын тос, уул уурхайн ашиглалтын тусгай зөвшөөрөл эзэмшигчдээс сайн дурын үндсэн дээр 2023 онд аймгийн Орон нутгийн хөгжлийн санд төвлөрүүлэх мөнгөн дэмжлэгийн хэмжээг 4,6 тэрбумаар төлөвлөсөн.

 1.17. Төсвийн тухай хуульд тусгасан 1,7 тэрбум төгрөгийн дотоодын зээлийн өрийг төлөхөөр 2023 оны төсөвт тусгасан

  Хэрэгжилтийн явц: бүрэн

Дорнод аймгийн Засаг даргын дэргэдэх Санхүүгийн хяналт, дотоод аудитын албаны 2023 оны гүйцэтгэлийн төлөвлөгөөнд тусгагдсаны дагуу дотоод аудитын үйл ажиллагааг санхүүгийн хяналт шалгалт, эрх зүйн нийцэл, гүйцэтгэлийн гэсэн 3 чиглэлээр хийж хэрэгжүүлж байгаа ба нийт 6 дотоод аудитад 104 (санхүүгийн хяналт шалгалтын чиглэлээр 68 нэгжийг, эрх зүйн нийцлийн чиглэлээр 22 нэгжийг, гүйцэтгэлийн аудитын чиглэлээр 14 нэгжийг) төсвийн нэгжийг хамруулан ажилласан ба гүйцэтгэлээр нийт 71 хувьтай хэрэгжиж байна. Нийт 6 дотоод аудитад 74 аудитыг хийж гүйцэтгэсэн. Үүнд: Санхүүгийн тайлагналаар 38, эрхзүйн нийцлээр 22, гүйцэтгэлээр 14 аудит хийсэн байна.  Мөн төлөвлөгөөт бус 6 дотоод аудитыг зохион байгуулсан байна. Дотоод аудитын үйл ажиллагаанд шаардагдах дотоод албан томилолтын зардал, тээвэр шатахууны зардал, бичиг хэргийн зардлыг 2023 оны төсөвт тусган батлуулж, гүйцэтгэлийг батлагдсан төсөвтөө багтаан санхүүжүүлж байна.