Төсвийн хөрөнгө оруулалтаар хэрэгжүүлэх хөрөнгө оруулалтын төсөл, арга хэмжээний зураг төсвийн зардлыг орон нутгийн төсөвт 92,0 сая төгрөг, орон нутгийн хөгжлийн сангийн төсөвт 520,0 сая төгрөгийг тус тус батлуулан хэрэгжүүлж байна.

Төсвийн хөрөнгө оруулалтаар хэрэгжүүлэх төсөл, арга хэмжээний худалдан авах ажиллагааны хэмнэлтийг зарцуулаагүй ажиллаж байна.

Төсвийн хөрөнгө оруулалтаар хэрэгжүүлэх хөрөнгө оруулалтын төсөл, арга хэмжээний тендерийн явц 99 хувьтай. Үүнээс гүйцэтгэгч шалгарсан 94 хувьтай байна.

Улсын төсвийн хөрөнгө оруулалтаар 2023 он дамжин хэрэгжиж буй, хүсэлт ирүүлсэн гүйцэтгэгч нарын материалыг холбогдох яаманд 2022 онд магадлалын дүгнэлтийн хамт уламжлан, барилгын материалын үнийн өсөлтийг батлуулсан. Тус онд барилгын материалын үнийн өсөлтийн зөрүү батлагдсан төсөл, арга хэмжээний санхүүжилтийг олгож дууссан.

Улсын төсвийн хөрөнгө оруулалтаар хэрэгжүүлж буй төсөл, арга хэмжээг Сангийн яамны цахим системээр дамжуулан хэрэгжүүлж байна. Төрийн бүх шатны байгууллага, нийтийн алба, тэдгээрийн үйл ажиллагаанд санхүүгийн сахилга батыг мөрдүүлж, ил тод байдлыг хангах, үр ашгийг нэмэгдүүлэх, үрэлгэн байдлыг хязгаарлах, хяналт тавин ажиллаж байна. Тухайлбал төсвийн ерөнхийлөн захирагчаас 2023 оны төсөвт нэмэлт өөрчлөлт хийхдээ хууль, журмын хэрэгжилтийг ханган, Сангийн яамнаас өгсөн чиглэлийн дагуу  нийт хөрөнгө оруулалтын зардалд нэмэлт өөрчлөлт оруулаагүй, Засгийн газрын 2022 оны 488, 489 дүгээр тогтоол, 2018 оны 382 дугаар тогтоолд орсон нэмэлт өөрчлөлтөөр төрийн захиргааны албан тушаалтнуудын цалин нэмэгдсэнтэй холбоотой цалингийн нэмэгдлийг оруулсан. Төсвийн хөрөнгө оруулалтаар хэрэгжүүлэх  төсөл, арга хэмжээний худалдан авалтыг журмын дагуу зохион байгуулан ажиллалаа.