Бүсийн шүүх шинжилгээний төвийг эд, эсийн шинжилгээний микротом, микроскопоор...

Бүсийн шүүх шинжилгээний төвийг эд, эсийн шинжилгээний микротом, микроскопоор хангалаа

3 сар

Аймгийн Засаг дарга М.Бадамсүрэн энэ сарын 19-ний өдөр Дорнод аймаг дахь Бүсийн Шүүх шинжилгээний төвд ажиллаж, энэ онд орон нутгийн төсвөөс эд эсийн шинжилгээний микротом, микрософ нийлүүлэгдсэнийг хүлээлгэн өглөө.

Өнгөрсөн онд тус төвийн Техникийн шинжилгээний лабораторид 30 сая төгрөгийн үнэ бүхий тоног төхөөрөмж нийлүүлэгдсэн юм.

"Хөгжил, дэвшил гэдэг хувийн хэвшлийн байгууллагуудаас гадна төрийн болон төрийн тусгай чиг үүрэг бүхий байгууллагуудын ажилтан, албан хаагчдын цалинг нэмэгдүүлэх, нийгмийн баталгааг хангах, ажил үүргээ хэвийн гүйцэтгэхэд шаардлагатай шинжлэх ухааны сүүлийн үеийн тоног төхөөрөмжөөр хангах, шинэчлэлт хийж өсөн, дэвших явдал юм.

Иймд аймаг, орон нутгаас дээрх байгууллагуудад тоног төхөөрөмжийн шинэчлэлтийг үе шаттай хэрэгжүүлж байгаа" тухай #аймгийн_Засаг_дарга_онцоллоо. Мөн ажилтан, албан хаагчдын санал хүсэлтийг сонсон, тулгамдаж буй асуудлуудыг шийдвэрлэж ажиллахаа илэрхийллээ.

Тус төвийн шинжилгээ,үйлчилгээ 58 хувиар өссөн байна.