Соёлын бүтээлч сар”-ын аяны хүрээнд Дорнод аймгийн соёл, урлагийн байгууллагууд 37 алдар суутай хүнийг соёлын өв, урлаг, уран бүтээл, соёл гэгээрэл гэсэн үндсэн 3 чиглэлийн 142 арга хэмжээ, үйл ажиллагаагаар алдаршуулан сурталчлав. Аяны хүрээнд зохион байгуулсан арга хэмжээ, үйл ажиллагаанд давхардсан тоогоор 80777 хүн оролцсоноос 61 хувийг хүүхэд (48943), 16 хувийг хөгжлийн бэрхшээлтэй иргэн (давхардсан тоогоор 12921) эзэлж байна. Зохион байгуулалтын хувьд нийт 142 арга хэмжээ, 17 боловсролын хөтөлбөр бүхий төлөвлөгөөг боловсруулан баталснаас 100 хувь хэрэгжсэн ба 5 арга хэмжээг нэмэлтээр хийсэн байна. Сарын аяныг зохион байгуулахад үндсэн чиг үүргийн хүрээнд 17 төрийн, 5 олон нийтийн, 6 хувийн аж ахуйн нэгж, 12 иргэн, чөлөөт уран бүтээлч оролцсон. Хаврын “Дорнод марафон 2024” бүх нийтийн гүйлтийн тэмцээнд 6 насны ангиллаар 344 тамирчин оролцсон бол намрын “Чойбалсан 2024” бүх нийтийн гүйлтийн тэмцээнд 400 гаруй иргэд хамрагдаж, нийт 844 гаруй иргэд оролцсон. Монгол Улсын Ерөнхийлөгчийн санаачилгаар “Эрүүл Монгол хүн” үндэсний хөдөлгөөний хүрээнд “Эрүүл мэнд-Эерэг хандлага” аяныг зохион байгуулсан. Аяны хүрээнд аж ахуйн нэгж, байгууллагуудын дунд спортын 12 арга хэмжээг зохион байгуулж 6000 иргэнийг хамруулж нийтийн биеийн тамирын чиглэлээр 33 арга хэмжээний хүрээнд аж ахуй нэгж, хамт олны дундах спортын тэмцээн, уралдааныг хамтран зохион байгуулж давхардсан тоогоор 28,0 мянга гаруй иргэнд нийтийн биеийн тамирын үйлчилгээ үзүүлсэн.