ХУДАЛДАН АВАХ АЖИЛЛАГААНЫ ГАЗРААС ЧАДАВХЖУУЛАХ СУРГАЛТ ЗОХИОН БАЙГУУЛЛАА Монгол Улсын Их хурлаас 2023 оны 06 дугаар сарын 16-ны өдөр баталсан “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль /шинэчилсэн найруулга/” батлагдсантай холбоотойгоор газрын дарга, худалдан авах ажиллагаа хариуцсан ахлах мэргэжилтэн, мэргэжилтэн нарыг Төрийн худалдан авах ажиллагааны газраас зохион байгуулж буй нэгдсэн сургалт уулзалтад хамруулан ажилласан байна. Мөн дээрх хууль 2024 оны 01 дүгээр сарын 01-ний өдрөөс эхлэн хэрэгжиж эхлэхтэй холбоотойгоор аймгийн Засаг даргын А/52 дугаар захирамжаар Худалдан авах ажиллагааны бүтэц, орон тоог 7 албан хаагчийн бүрэлдэхүүнтэй батлаж, Орон нутгийн өмчийн газраас шилжүүлэх ажлыг хийж гүйцэтгэн үйл ажиллагааг хэвийн үргэлжлүүлэн ажиллаж байна. Мэргэжлийн чиг үүргийн байгууллага үүсгэн байгуулагдсан даруйд хуулийн шинэчилсэн найруулгатай холбоотойгоор Сангийн яамтай хамтран худалдан авах ажиллагааг идэвхтэй зохион байгуулдаг болон сумдын захиалагч нараас бүрдсэн 100 албан хаагчдыг хамруулсан сургалтыг зохион байгуулсан ба тус сургалтад хамрагдсан албан хаагчид нь хуулийн шинэчлэгдсэн найруулгад хамрагдсан тухай гэрчилгээ олгосон байна. Мөн байгууллагын сургалтын төлөвлөгөөнд заасан хуваарийн дагуу 2024 онд 4 удаагийн шалгалтыг Төрийн худалдан авах ажиллагааны газартай хамтран “Мэргэшсэн ажилтан”-ны шалгалтыг цахим хэлбэрээр зохион байгуулсан ба техник, хэрэгслийн хүчин чадлаас хамааруулан 80 албан хаагчаас шалгалтыг зохион байгуулж 20 хувь буюу 16 албан хаагч тэнцсэн байна.