"ЦАГААН САР УГТАХ БАЯР-2025” ҮЗЭСГЭЛЭН ХУДАЛДАА БОЛЖ БАЙНА

2 сар

Дорнод аймаг хөрш зэргэлдээ БНХАУ-ын ӨМӨЗО-ны Хөлөнбуйр хотын Шинэ Барга Баруун хошуутай хамтран “Цагаан сар угтах баяр”-ыг 2002 оноос эхлэн уламжлал болгон албан ёсоор тэмдэглэж, жил бүр хоёр талд ээлжлэн зохион байгуулсаар ирсэн билээ.

Манай аймагт зохион байгуулж буй 18 дахь удаагийн уламжлалт “Цагаан сар угтах баяр-2025” арга хэмжээний хүрээнд орон нутгийн хүнс, хөдөө аж ахуйн салбарын үйлдвэрлэл, үйлчилгээ эрхлэгчдийн үйл ажиллагааг дэмжих, иргэдэд сурталчлан таниулах, борлуулалтыг нэмэгдүүлэх зорилготой үзэсгэлэн худалдааг өнөөдөр /2025.01.21/ Нутгийн удирдлагын ордны 1 давхарт зохион байгуулж байна.

Үзэсгэлэн худалдааг БНХАУ-ын ӨМӨЗО-ны Хөлөнбуйр хот, Хянган аймаг, Хөлөнбуйр хотын Шинэ Барга баруун хошууны зочид төлөөлөгчид болон иргэд үзэж сонирхож байна.

Тус үзэсгэлэн худалдаанд:

- "Үзэмчин өв" брэнд

- ”Хасаа” брэнд савхин хувцас, тоноглол

- Оёдлын холбоо Монгол үндэсний дээл

- "Найнги" ХХК- Сүү, сүүн бүтээгдэхүүн

- Өхөөрдөм бренд -Хүүхдийн үндэсний хувцас

- ” Мойлхон”брэнд -Гар урлал

- ”Өхөөрдөм” брэнд Хүүхдийн хувцас

- "Дорнод сүү" ХХК- Сүү, сүүн бүтээгдэхүүн

- Элст цагаан тэмээт хоршоо-Сүү, сүүн бүтээгдэхүүн

- Дунгийн салхи хоршоо- Мах, махан бүтээгдэхүүн

- Мөнх ноён хан ХХК- Уудам бууз, банш

- Баян тал ХХК- Хиам, зайдас

- Бабуб ХХК - Нарийн боов, жигнэмэг

- Ган түрүү ХХК- Зөгийн бал

- Балт соёо ХХК- Зөгийн бал

- Дорнод шоколад

- Оёдолчин Жавхлантөгс-Гоёлын загварлаг үндэсний хувцас

- Ээжүүдийн урлан Гар урлал, эсгий урлал, Буриад малгай, бэлэг дурсгал зэрэг нийт 4 иргэн, 16 аж ахуйн нэгж байгууллага, бизнес эрхлэгчид аймаг, орон нутгийн онцлог, түүх, соёл, аялал жуулчлалаа сурталчлан оролцож байна.