“ЭМЧИЙН ХӨГЖЛИЙГ ДЭМЖИХ” ХӨТӨЛБӨРИЙГ АМЖИЛТТАЙ ХЭРЭГЖҮҮЛЖ БАЙНА

5 сар

Эрүүл мэндийн салбарын хүний нөөцийн чадавхыг дээшлүүлэх, эмч мэргэжилтнүүдийн ур чадварыг олон улсын түвшинд хүргэх зорилгоор орон нутгийн хөгжлийн сангийн санхүүжилтээр “Эмчийн хөгжлийг дэмжих” хөтөлбөрийг 2024 оноос эхлэн амжилттай хэрэгжүүлж байна.

Өнгөрсөн онд уг хөтөлбөрийн хүрээнд аймгийн хэмжээнд 21 эмч, эмнэлгийн мэргэжилтнийг гадаадын нэр хүндтэй эмнэлэг, сургалтын байгууллагуудад богино хугацааны сургалт, дадлага туршлага солилцоонд хамруулаад байна. Тухайлбал:

БНСУ-ын Бусан хотын Пусан эмнэлэгт мэс засал, чих хамар хоолой, эмэгтэйчүүд, дүрс оношилгоо, хавдрын чиглэлээр, Тайвань улсад эх барих эмэгтэйчүүдийн чиглэлээр, БНХАУ-ын ӨМӨЗО-ы Бээжин их сургуульд эмгэг судлал, эрүүл мэндийн удирдлага болон нийгмийн эрүүл мэндийн чиглэлээр тус тус сургалтад хамрагджээ.

Хөтөлбөрийг энэ онд үргэлжлүүлэн хэрэгжүүлж Бүсийн оношилгоо эмчилгээний төвийн төрөлжсөн мэргэжлийн хоёр их эмчийг БНСУ-ын Бусан хотын Пусан үндэсний их сургуулийн эмнэлэгт мэдрэлийн мэс засал болон хэвлийн хөндийн судсан дотуурх оношилгоо, эмчилгээний чиглэлээр суралцуулж байна.

Мөн цаашид уян дурангийн болон мэс заслын чиглэлээр хоёр их эмчийг олон улсын жишигт нийцсэн сургалтад хамруулахаар төлөвлөн, бэлтгэл ажлыг ханган ажиллаж байна.