2020 оны Цэргийн бүртгэлийн талаар

6 сар
2020 оны Цэргийн бүртгэлийн талаар

2020 оны Цэргийн бүртгэлийн талаар Дорнод аймгийн Засаг даргын Тамгын газрын Цэргийн штабын тоо бүртгэлийн офицер, дэд хурандаа Б.Гансүхтэй уулзаж зарим зүйлийг тодрууллаа.

САЙН БАЙНА УУ? 2020 ОНЫ ЦЭРГИЙН БҮРТГЭЛИЙН ТАЛААР МЭДЭЭЛЭЛ ӨГНӨ ҮҮ?
- Та бүхэнд энэ өдрийн мэндийг хүргэе. Дорнод аймгийн хэмжээнд цэргийн бүртгэл 2020 оны 01 дүгээр сарын 20-ны өдрөөс 2 дугаар сарын 05-ны өдрүүдэд сум, багийн ажлын албаны байранд явагдана. Цэргийн бүртгэлд аймгийн 14 сум, аймгийн төвийн 11 багийн цэргийн бэлтгэл үүрэгтэн хамрагдана.

ЭНЭ ЖИЛИЙН ЦЭРГИЙН БҮРТГЭЛИЙН ОНЦЛОГ ЮУ ВЭ?
- Цэргийн бүртгэл нь жил бүрийн 1 дүгээр сарын эхээр явагддаг байсан бол энэ жилийн хувьд улсын хэмжээнд “Хүн ам, орон сууцны тооллого 2020” нэгдсэн арга хэмжээ болсонтой холбогдуулан 1 дүгээр сарын 20-ны өдрөөс эхлэн явагдаж байна.

ЦЭРГИЙН БҮРТГЭЛД БҮРТГЭГДЭХ НАСНЫ ДЭЭД ХЯЗГААР НЬ ХЭД ВЭ?
- Дээд офицер 65, ахлах офицер 60, дунд офицер 55, эмэгтэй офицер, ахлагч болон байлдагч түрүүч 50 нас хүртэл бүртгэлд хамрагдана.

ЦЭРГИЙН БҮРТГЭЛД ОРООГҮЙ ИРГЭД ХУУЛИАР ЯМАР ХАРИУЦЛАГА ХҮЛЭЭДЭГ ВЭ?
- Цэргийн бүртгэлээр тогтоосон хугацаанд нь бүртгэгдээгүй иргэн Монгол Улсын “Цэргийн албаны тухай” хуулийн 36 дугаар зүйлийн 36.2, Зөрчлийн тухай хуулийн 15 дугаар зүйлийн 17.3 дугаар зүйлийн хэсэгт зааснаар Цэргийн бүртгэлийн журам зөрчсөн, эсхүл дайчилгаатай сургууль, цугларалт, цэрэг татлагаас зайлсхийсэн цэргийн үүрэгтэн, цэргийн насны иргэнийг нэг зуун нэгжтэй тэнцэх хэмжээний нэг зуун мянган төгрөгөөр торгох тул иргэн бүр анхаарч хариуцлагатай хандана уу.

Нээлттэй ажлын байр
Хөдөлмөр, халамжийн үйлчилгээний газар