Аймгийн Онцгой комисст Шүүхийн Тамгын газар болон “Чойбалсан” олон улсын нисэх буудлын хамт олон нэг өдрийн цалингаар хүмүүнлэгийн тусламж үзүүллээ

3 долоо хоног
Аймгийн Онцгой комисст Шүүхийн Тамгын газар болон “Чойбалсан” олон улсын нисэх буудлын хамт олон нэг өдрийн цалингаар хүмүүнлэгийн тусламж үзүүллээ

Коронавирус /Covid-19/ -ийн халдвараас урьдчилан сэргийлж, нийгмийн эрүүл мэндийн төлөө халуун цэгт ажиллаж байгаа алба хаагч нарт байгууллага, хамт олон сайн дурын хүмүүнлэгийн тусламжаа үзүүлсээр байна.

Өнөөдөр 2020 оны 3 дугаар сарын 13-ны өдөр Ц.Мөнхсайхан даргатай аймгийн Шүүхийн Тамгын газрын захиргаа, үйлчилгээний 30 ажилтан, албан хаагчид 1 өдрийн цалин болох 1.083.000 төгрөгийн 700.000 төгрөгийг улсын Онцгой комисст, 383.000 төгрөгийг аймгийн Онцгой комисст,

“Чойбалсан” олон улсын нисэх буудлын албан хаагчид нэг өдрийн цалин болох 1.700.000 төгрөгийг тус тус аймгийн Онцгой комисст гардуулан өглөө.

Хандивыг аймгийн Засаг дарга бөгөөд аймгийн Онцгой комиссын дарга М.Бадамсүрэн болон онцгой комиссын гишүүдийн төлөөлөл хүлээн авлаа.

 Аймгийн Засаг дарга бөгөөд аймгийн Онцгой комиссын дарга М.Бадамсүрэн хэлсэн үгэндээ “Энэхүү хандив тусламжийг Шинэ коронаврусийн халдвараас урьдчилан сэргийлэх өндөржүүлсэн бэлэн байдлын хүрээнд явуулж буй үйл ажиллагаанд иргэдийнхээ эрүүл мэндийн төлөө халуун цэгт ажиллаж буй алба хаагчид болон ард иргэдийг урьдчилан сэргийлэх ажилд зориулах бөгөөд хэрхэн зарцуулсан талаар нийтэд мэдээлэх болно” гэв.