Жил бүрийн хавар зах зээлд махны нийлүүлэлт багасаж хомсдол үүсдэг.
Өнөөдрийн байдлаар Дорнод аймгийн "Шүр" "Онон" захын махны лангууд дээр Үхрийн мах 12000-13000 төг/кг, Хонины мах-9000-10000 төг/кг, Адууны мах 9500-10000 төг/кг ханштай байгаа юм.
Өнгөрсөн 7 хоногт Иргэдээс ирүүлсэн саналын дагуу аймгийн Засаг дарга М.Бадамсүрэн аймагт махны чиглэлээр үйл ажиллагаа явуулдаг үйлдвэр, аж ахуй нэгжүүдийн төлөөлөл “Хаан хүнс групп” ХХК-ийн Дорнод аймаг дахь салбар, “Хөвчийн талын баялаг” ХХК, “Талын таван өндөр трейд” ХХК, “Вайт групп” ХХК-ийн удирдлагуудтай уулзаж нөөцийн мах зах зээлд хямд үнээр нийлүүлэн хамтран ажиллах боломж байгаа эсэх талаар санал солилцсон бөгөөд аж ахуй нэгжүүд нөөцөлсөн махаа худалдаанд гаргах боломжтой гэдгээ хэлсэн.