1264 оюутанг эрүүл мэндийн цогц үзлэг,шинжилгээнд хамруулна

3 сар
1264 оюутанг эрүүл мэндийн цогц үзлэг,шинжилгээнд хамруулна

Аймгийн Засаг даргын санаачлагаар зорилтот бүлэг, хүүхэд багачууд, эмэгтэйчүүдийн эрүүл мэндийн чиглэлд ирээдүйгээ харсан олон төсөл хэрэгжин үр дүнгээ үзүүлж байна.

ДИС-ийн Оюунтан баг, Швейцарын Хөгжлийн агентлаг, Дэлхийн банкны санхүүжилтээр Монголын ЭЗ-ийн судалгаа, шинжилгээний төвтэй хамтран “Эрүүл шүд-Эрүүл оюутан” төслийг хэрэгжүүлж байсан бол энэхүү төслийг өргөжүүлж хойч үе болсон оюутан залуусынхаа эрүүл мэндэд анхаарал хандуулж, орон нутгийн төсвийн хөрөнгөөр “Эрүүл Оюутан” төслийг хэрэгжүүлж эхэллээ.

Төслийн хүрээнд МСҮТ, Политехник коллеж, Дорнод их сургуулийн 1264 оюутныг ерөнхий биеийн үзлэг, чих, хамар хоолой, нүд, БЗДХ, сүрьеэгийн эрт илрүүлэг, амны хөндийн урьдчилан сэргийлэх үзлэг шинжилгээнд хамруулна. Төслийг Бүсийн оношилгоо эмчилгээний төв, Эрүүл мэндийн газар, хувийн шүдний эмнэлгүүдтэй хамтран хэрэгжүүлнэ. Үүнээс 1 болон 2 дугаар дамжааны 200 оюутны амны хөндийг бүрэн эрүүлжүүлэх юм.

Өнөөдөр Эрүүл мэндийн газар, хувийн шүдний эмнэлгүүдтэй хамтран ажиллах гэрээг байгуулав. Аймгийн Засаг дарга М.Бадамсүрэн хэлсэн үгэндээ: Аймгийн баримталж буй бодлого бол хувийн хэвшил болон төсөл хөтөлбөр, иргэний нийгмийн байгууллага, оюутан залуусын гаргасан санаачлагыг бүх төвшинд дэмжин ажиллах нь чухал. Түүнчлэн ирээдүй болсон оюутан залуусынхаа эрүүл мэндэд онцгой анхаарч эрт илрүүлэг, эмчилгээ хийх нь эрүүл нийгэм хөгжихөд бодит үр дүнд хүрнэ гэдэг итгэж байна” гэв.

Нээлттэй ажлын байр
Хөдөлмөр, халамжийн үйлчилгээний газар