Гэрийн тусгаарлан ажиглалтад хяналт тавих хэрлэн сумын 11 багийн ажлын хэсэгт аймгийн Онцгой комиссын гишүүд, агентлагийн дарга нар ажиллаж байна

4 долоо хоног
Гэрийн тусгаарлан ажиглалтад хяналт тавих хэрлэн сумын 11 багийн ажлын хэсэгт аймгийн Онцгой комиссын гишүүд, агентлагийн дарга нар ажиллаж байна
Аймгийн Засаг даргын орлогч, аймгийн Онцгой комиссын орлогч дарга Ч.Ганбат өнөөдөр /2021.01.28/ аймгийн Шуурхай штабын жижүүрээр ажиллаж байна.
 
Тэрээр гэрийн тусгаарлан, ажиглалтад хяналт тавих ажлыг зохион байгуулах Хэрлэн сумын 11 багийн ажлын хэсгийн үйл ажиллагаатай газар дээр нь танилцаж, үүрэг чиглэл өглөө.
Дорнод аймагт 1196 иргэн гэрийн тусгаарлан, ажиглалтад байгаагаас 592 иргэн татан авалтаар ирсэн. Дээрх иргэдийг гэрээр тусгаарлан ажиглах хяналтыг Гамшгаас хамгаалах Эрүүл мэндийн албаны зааварчилгааны дагуу аймгийн Онцгой комиссын гишүүд, агентлагийн удирдлагууд, сум, багийн Засаг дарга, хэсгийн байцаагч, өрхийн эмч, багийн хэсгийн ахлагч гэсэн бүрэлдэхүүнтэйгээр зохион байгуулж байгаа юм.
 
Аймгийн Засаг даргын орлогч, аймгийн Онцгой комиссын орлогч дарга Ч.Ганбат багийн ажлын хэсгүүдийг ажиллаж буй эрчээ сулруулахгүй, сайн хяналт тавьж ажиллахыг үүрэг болголоо.

Нээлттэй ажлын байр
Хөдөлмөр, халамжийн үйлчилгээний газар