Томуу, томуу төст өвчний тархалт алаг цоог түвшинд байна

2 жил

Аймгийн хэмжээнд өнгөрсөн долоо хоногт амбулаториор 9613 хүн үйлчлүүлсний 1058 нь томуу, томуу төст өвчнөөр өвдсөн байна. Энэ нь нийт үзлэгийн 11 хувийг эзэлж ТТӨ-ний тархалт алаг цоог түвшинд байна.

Хэрлэн сумын хэмжээнд амбулаторийн нийт үзлэгийн 11.6 хувийг ТТӨ эзэлж өмнөх 7 хоногоос 0.54 хувиар нэмэгдсэн бол бусад сумдын амбулаторийн 1644 үзлэгээс ТТӨ-ний 133 тохиолдол бүртгэгдэж, өмнөх 7 хоногоос 1.7 хувиар нэмэгдсэн.

ТТӨ-ний нийт тохиолдлыг хувиар авч үзвэл :

94,1 хувь нь 0-15 нас, үүнээс 79.4 хувийг 4 хүртэлх насны хүүхэд эзэлж байна.

Өмнөх 7 хоногтой нь харьцуулбал :

0-11 сар 36,

1 нас 30,

5-9 нас 21 тохиолдлоор тус тус нэмэгдсэн аж.

45 дугаар 7 хоногт түргэн тусламжийн утсанд 170 дуудлага ирснээс 30 нь томуугийн өвчлөлтэй холбоотой дуудлага байна. Энэ нь нийт дуудлагын 17.6 хувийг эзэлж байгаа юм.

Мөн АЗЦХХ-ын өвчлөлийн 58 тохиолдол бүртгэгдсэн нь өмнөх 7 хоногтой харьцуулахад 6 тохиолдлоор нэмэгдсэн.

Сумдын амбулаторийн 1644 үзлэгээс томуу, томуу төст өвчин 133 тохиолдол бүртгэгдэж, өмнөх 7 хоногоос 1.7 хувиар өссөн байна.